काठमाडौं – नेपाल क्यापिटल मार्केट डिस्कोर्शको वक्ताका रूपमा सिटिजन्स शेयर ब्रोकरका प्रमुख कार्यकारी अधिकृत (सीईओ) मनीष अर्याल सहभागी हुने भएका छन्। उनी डिस्कोर्शको तेस्रो सत्र ‘प्रविधि तथा नवप्रवर्तन: नेपालको पुँजी बजारको भविष्य’ मा वक्ताका रूपमा सहभागी हुने भएका हुन्। उनी अहिले सिटिजन्स शेयर ब्रोकरमा सीईओका रूपमा कार्यरत छन्।
उनले स्पोर्ट्स फर अल कमिसन, बागमती प्रदेश, एनओसी नेपालका कोषाध्यक्ष, सिनर्जी म्यानेजमेन्ट एण्ड कन्सल्ट्यान्ट्स प्राइभेटकाे निर्देशक, नेपाल चार्टर्ड एकाउन्टेन्ट्स संघका सदस्यका रूपमा समेत काम गरीसकेका छन्। साथै, यसअघि उनी जाल्पा सामुदायिक लघुवित्त वित्तीय संस्थाको सञ्चालक समिति अध्यक्ष थिए। सीबीआईएल सेक्युरिटिजको सीईओ भएर पनि उनले काम गरिसकेका छन्।
नेपालको पुँजी बजारबारे बृहत् छलफल गर्ने लक्ष्यसहित बैंकिङ्ग समाचारको आयोजना र नासा सेक्यूरिटिजको मुख्य प्रायोजनमा नेपाल क्यापिटल मार्केट डिस्कोर्श हुन लागेको छ। पुँजी बजारको नीतिगत सुधार, नियामकीय अवस्थाको चर्चा र सुधार तथा लगानीकर्ताको हकहित र शेयर शिक्षा फैलाउने लक्ष्यसहित नेपाल क्यापिटल मार्केट डिस्कोर्श आयोजना हुन लागेको हो।
क्यापिटल मार्केट डिस्कोर्श यही भदौ २१ गते काठमाडौंको मेरियट होटलमा हुनेछ। जसमा उद्घाटन सत्रसहित ४ वटा सत्रगत छलफल हुनेछन्। डिस्कोर्शको पहिलो सत्र ‘उत्पादन, नीति तथा नियमन: नेपालको पुँजी बजारको भविष्य’, दोस्रो सत्र ‘सचेत लगानीकर्ता, सबल पुँजी बजार: सचेतना र साक्षरताको भूमिका’ तेस्रो सत्रमा ‘प्रविधि तथा नवप्रवर्तन: नेपालको पुँजी बजारको भविष्य’ नामक सत्र गत छलफल हुने छन्।
यस्तै, डिस्कोर्शमा नेपाल धितोपत्र बोर्डका अध्यक्ष डा. गोपाल भट्टसँग विशेष डुओलग समेत हुनेछ। सत्रगत छलफलमा नियमन र नीति निर्माण, लगानीकर्तामा शेयर शिक्षा र शेयर बजारमा प्रविधि र इनोभेसनसँग सम्बन्धित हुनेछन्। डिस्कोर्शमा अर्थ मन्त्रालय, नेपाल धितोपत्र बोर्ड, नेपाल राष्ट्र बैंक, नेपाल स्टक एक्सचेन्ज, सीडीएससी एन्ड क्लियरिङ, ब्रोकर कम्पनी, मर्चेन्ट बैंक, वाणिज्य तथा विकास बैंक, क्रेडिट रेटिङ र सूचीकृत कम्पनीहरूको सहभागिता रहनेछ। यस्तै, प्रतिनिधि सभाका सदस्यहरू, सेक्युरिटी एन्ड एक्सचेन्ज बोर्ड अफ इन्डिया (सेबी) र बम्बई स्टक एक्सचेन्ज (बीएसई) लगायत अन्तर्राष्ट्रिय प्रतिनिधिहरूको समेत सहभागिता रहनेछ।
About Us
प्रतिक्रिया