मलेसिया र हंगेरी पठाइदिन्छु भन्दै ९ लाख ठगी गर्ने यज्ञ बहादुर र सुजेन घर्ति प्रहरीको फन्दामा 

काठमाडौं –  बेरोजगार युवायुवतीहरुलाई आकर्षक तलबको प्रलोभनमा पारी रोजगारीका लागि मलेसिया र हंगेरी पठाइदिन्छु भन्दै ९ लाख ठगी गर्ने दुई जनालाई प्रहरीले पक्राउ गरेको छ। पक्राउ पर्नेमा ओखलढुगांका यज्ञ बहादुर तामाङ र बाग्लुङका सुजेन घर्ति मगर रहेका छन्। 

तामाङले मलेसिया पठाइदिन्छु भन्दै १ जनाबाट ४ लाख र मगरले हंगेरी पठाइदिन्छु भन्दै ३ जनाबाट ५ लाख ठगी गरेको प्रहरीले जनाएको छ। उनीहरुलाई काठमाडौं उपत्यकाका विभिन्न स्थानहरूबाट पक्राउ गरी थप अनुसन्धान तथा आवश्यक कारबाहीको लागि वैदेशिक रोजगार विभाग ताहाचल, काठमाडौं पठाइएको प्रहरीले जनाएको छ।