क्रिस्टल कञ्चनजंघा सेक्युरिटिज नेपाल क्यापिटल मार्केट डिस्कोर्श २०२६ को ‘सपोर्टेड वाइ’मा आवद्ध

काठमाडौं – क्रिस्टल कञ्चनजंघा सेक्युरिटिज (स्टक ब्रोकर नं ५०) ‘नेपाल क्यापिटल मार्केट डिस्कोर्श २०२६’ को पार्टनरका रूपमा जोडिएको छ। ‘द भ्वाइस अफ नेपालको क्यापिटल मार्केट’ नारासहित आयोजना हुन लागेको उक्त कार्यक्रमले नेपालको पुँजी बजारका वर्तमान अवस्था, चुनौती तथा आगामी सम्भावनाबारे सरोकारवालाबीच गहन छलफल गर्ने उद्देश्य राखिएकाे छ।

क्रिस्टल कञ्चनजंघा सेक्युरिटिज २०६८ मा स्थापना भएको स्टक ब्रोकर कम्पनी हो। कम्पनीले स्थापनाकाल देखिनै सेवाग्राहीका लागि शेयर तथा धितोपत्र किनबेच गराउने र सम्बन्धित ब्रोकर सेवा प्रदान गर्ने कार्य प्रभावकारी रूपमा गर्दै आएको छ।

नेपालको पुँजी बजारबारे बृहत् छलफल गर्ने लक्ष्यसहित बैंकिङ्ग समाचारको आयोजना र नासा सेक्यूरिटिजको मुख्य प्रायोजन रहेको छ। पुँजी बजारको नीतिगत सुधार, नियामकीय अवस्थाको चर्चा र सुधार तथा लगानीकर्ताको हकहित र शेयर शिक्षा फैलाउने लक्ष्यसहित नेपाल क्यापिटल मार्केट डिस्कोर्श आयोजना हुन लागेको हो।

क्यापिटल मार्केट डिस्कोर्श यही वर्ष २०८३ साल भदौ २१ गते काठमाडौंको मेरियट होटलमा हुनेछ। जसमा उद्घाटन सत्रसहित ४ वटा सत्रगत छलफल हुनेछन्। यस्तै, डिस्कोर्शमा नेपाल धितोपत्र बोर्डका अध्यक्ष डा. गोपाल भट्टसँग विशेष डुओलग समेत हुनेछ। सत्रगत छलफलमा नियमन र नीति निर्माण, लगानीकर्तामा शेयर शिक्षा र शेयर बजारमा प्रविधि र इनोभेसनसँग सम्बन्धित हुनेछन्।

डिस्कोर्शमा अर्थ मन्त्रालय, नेपाल धितोपत्र बोर्ड, नेपाल राष्ट्र बैंक, नेपाल स्टक एक्सचेन्ज, सीडीएससी एन्ड क्लियरिङ, ब्रोकर कम्पनी, मर्चेन्ट बैंक, वाणिज्य तथा विकास बैंक, क्रेडिट रेटिङ र सूचीकृत कम्पनीहरुको सहभागिता रहनेछ। यस्तै, प्रतिनिधि सभाका सदस्यहरू, सेक्युरिटी एन्ड एक्सचेन्ज बोर्ड अफ इन्डिया (सेबी) र बम्बई स्टक एक्सचेन्ज (बीएसई) लगायत अन्तर्राष्ट्रिय प्रतिनिधिहरूको समेत सहभागिता रहनेछ।