काठमाडौं – नेपाल क्यापिटल मार्केट डिस्कोर्शको ‘इभेन्ट पार्टनर’मा भिजन सेक्युरिटिज आबद्ध भएको छ । भदौ २१ गते हुने डिस्कोर्शको‘इभेन्ट पार्टनर’मा भिजन सेक्युरिटिज आबद्ध भएको हो ।
भिजन सेक्युरिटिज २०६४ साल पौष १३ गते स्थापना भएको नेपालको स्टक ब्रोकर कम्पनी हो। कम्पनीले नेपाल धितोपत्र बोर्ड तथा नेपाल स्टक एक्सचेन्ज लिमिटेबाट आवश्यक इजाजतपत्र प्राप्त गरी सेवा प्रदान गर्दै आएको छ। नेपालको स्टक ब्रोकर व्यवसायमा कम्पनीले कारोबार रकमका साथै, आफ्ना ग्राहक तथा सेवाग्राहीलाई प्रदान गर्दै आएको उत्कृष्ट सेवाका आधारमा अग्रणी स्थान हासिल गर्ने आफ्नो दृष्टिकोणलाई निरन्तर अघि बढाइरहेको छ।
नेपालको पुँजी बजारबारे बृहत छलफल गर्ने लक्ष्यसहित बैंकिङ्ग समाचारको आयोजना र नासा सेक्यूरिटिजको मुख्य प्रायोजन रहेको छ । पुँजी बजारको नीतिगत सुधार, नियामकीय अवस्थाको चर्चा र सुधार तथा लगानीकर्ताको हकहित र शेयर शिक्षा फैलाउने लक्ष्यसहित नेपाल क्यापिटल मार्केट डिस्कोर्श आयोजना हुन लागेको हो ।
क्यापिटल मार्केट डिस्कोर्श यही वर्ष २०८३ साल भदौ २१ गते काठमाडौंको मेरियट होटलमा हुनेछ। जसमा उद्घाटन सत्रसहित ४ वटा सत्रगत छलफल हुनेछन्। यस्तै, डिस्कोर्शमा नेपाल धितोपत्र बोर्डका अध्यक्ष डा. गोपाल भट्टसँग विशेष डुओलग समेत हुनेछ। सत्रगत छलफलमा नियमन र नीति निर्माण, लगानीकर्तामा शेयर शिक्षा र शेयर बजारमा प्रविधि र इनोभेसनसँग सम्बन्धित हुनेछन्।
डिस्कोर्शमा अर्थ मन्त्रालय, नेपाल धितोपत्र बोर्ड, नेपाल राष्ट्र बैंक, नेपाल स्टक एक्सचेन्ज, सीडीएससी एन्ड क्लियरिङ, ब्रोकर कम्पनी, मर्चेन्ट बैंक, वाणिज्य तथा विकास बैंक, क्रेडिट रेटिङ र सूचीकृत कम्पनीहरुको सहभागिता रहनेछ। यस्तै, प्रतिनिधि सभाका सदस्यहरू, सेक्युरिटी एन्ड एक्सचेन्ज बोर्ड अफ इन्डिया (सेबी) र बम्बई स्टक एक्सचेन्ज (बीएसई) लगायत अन्तर्राष्ट्रिय प्रतिनिधिहरूको समेत सहभागिता रहनेछ।
About Us
प्रतिक्रिया