वर्षा रोकिएसँगै सप्तकोशीमा पानीको बहावमा कमी 

काठमाडौं –  अविरल वर्षा रोकिएसँगै सप्तकोशी नदीको जलप्रवाहमा क्रमशः कमी आउन थालेको छ । प्रहरीका अनुसार अहिले सप्तकोशी ब्यारेजका ४८ वटा ढोका खोलिएका छन् ।  

यसअघि आइतबार बिहान पानीको बहाव उच्च भएपछि ५६ ढोकामध्ये ५६ खोलिएको थियो । हिजो पानीको बहाव प्रतिसेकेन्ड ५ लाख भन्दा माथि पुगेको थियो। 

सप्तकोशीमा बहाव कम भए पनि सुरक्षा निकायहरूले सम्भावित जोखिमलाई ध्यानमा राख्दै सतर्कता कायम राखेका छन्। स्थानीय बासिन्दालाई आवश्यक सतर्कता अपनाउन आग्रह गरिएको छ।