पौडेललाई गभर्नर बन्ने बाटो खुल्यो, सर्वोच्चद्वारा दरपीठ आदेशलाई सदर

काठमाडौं – सर्वोच्च अदालतको इजलासबाट विश्व पौडेलविरुद्धको रिट दर्ता नहुने निर्णय भएको छ । यो सँगै पौडेललाई गभर्नर बन्ने बाटो खुल्ला भएको छ ।

न्यायाधीश सपना प्रधान मल्लको इजलासले यसअघि सर्वोच्चका रजिस्ट्रार भद्रकाली पोखरेलले गरेको दरपीठ आदेशलाई सदर गरिदिएको हो।

अर्थशास्त्री पौडेललाई गभर्नर बनाउन नमिल्ने मागसहित अधिवक्ता प्रतिभा उप्रेती र विशाल थापाले सर्वोच्चमा रिट दायर गरेका थिए ।