काठमाडौं – ग्लोबल आइएमई बैंक लिमिटेडका डेबिट तथा क्रेडिट कार्डधारकहरूले अब सेल्सबेरी स्टोरहरूमा प्रत्येक शुक्रबार १० प्रतिशतसम्म क्यासब्याक पाउने भएका छन् । यसबारेमा बैंक र सेल्सबेरीबीच हालै समझदारी पत्रमा हस्ताक्षर भएको छ ।

सम्झौतापत्रमा ग्लोबल आइएमई बैंकको तर्फबाट ट्रान्जेक्शन बैंकिङ्ग विभागका सेल्स एण्ड बिजनेस प्रमुख प्रकाश पौडेल र सेल्सबेरीका प्रमुख कार्यकारी अधिकृत शुशिलमान प्रधानाङ्गले हस्ताक्षर गरेका हुन् ।

सम्झौता अनुसार, कार्डवाहकहरूले मुलुकभर रहेका सेल्सबेरीका ३७ वटा स्टोरहरूमा पोइन्ट अफ सेल (एइक्) मेशिनमार्फत गरिने कारोबारमा हरेक शुक्रबार १० प्रतिशत वा अधिकतम २०० रुपैयाँसम्मको क्यासब्याक प्राप्त गर्न सक्नेछन् ।