काठमाडौं – कामना सेवा विकास बैंक लिमिटेडले पाँच वर्षभन्दा पुरानो लाभांश बुझिलिन शेयरधनीहरूलाई आग्रह गरेको छ । बैंकले एक सूचना जारी गर्दै २०७६ साल पुस १७ गतेको तेह्रौं वार्षिक साधारणसभाले पारित गरेको नगद लाभांश कतिपय शेयरधनीले हालसम्म पनि नलिएको भन्दै बुझिलिन आग्रह गरेकाे हाे ।

उक्त आर्थिक वर्षका लागि बैंकले सेयरधनीहरुलाई ६.८ प्रतिशत नगद लाभांश वितरण गर्ने निर्णय गरेको थियो । उक्त नगद लाभांश सूचना प्रकाशित भएको मितिले १ महिनाभित्र शेयर रजिस्ट्रार प्रभु क्यापिटलको काठमाडौंको कमलादीस्थित कार्यालयमा सम्पर्क गर्न बैंकले शेयरधनीहरुलाई आग्रह गरेको छ ।

ताेकिएकाे समयभित्र नआउने शेयरधनीको नगद लाभांश लगानीकर्ता संरक्षण कोषमा जम्मा गरिने बैंकले जनाएकाे छ ।