काठमाडौं – बैंक तथा वित्तीय संस्थाहरूको निक्षेप संकलन एक दिनमा १४ अर्बले बढेको छ । नेपाल राष्ट्र बैंकको तथ्यांकअनुसार चैत १५ गते निक्षेप १४ अर्बले बढेर ६७ खर्ब ४९ अर्ब रुपैयाँ पुगेको छ । चैत १४ गते बैंकहरूको निक्षेप ६७  खर्ब ७५ अर्ब रुपैयाँ रहेको थियो ।

यस्तै, चैत १४ गते ६० खर्ब ४९ अर्ब रुपैयाँ रहेको वाणिज्य बैंकको निक्षेप १४ अर्बले नै  बढेर ६० खर्ब ६३ अर्ब रुपैयाँ पुगेको तथ्यांकमा उल्लेख छ । बैंक तथा वित्तीय संस्थाको कर्जा लगानीमा भने सामान्य वृद्धि देखिएको छ । सो समयमा कर्जा प्रवाह  १ अर्बले बढेर ६४ खर्ब ६५ अर्ब रुपैयाँ पुगेको छ ।

यस्तै,  १५ गते वाणिज्य बैंकहरुको कर्जा प्रवाह पनि १ अर्बले बढ्दै ४८ खर्ब ५१ अर्ब रुपैयाँ पुगेको छ ।  तथ्यांकअनुसार सो समयमा औसत कर्जा निक्षेप अनुपात (सीडी रेसियो) ७९ दशमलव २५ र अन्तर बैंक ब्याजदर ३ प्रतिशत रहेको छ ।