काठमाडौं – गुहेश्वरी मर्चेन्ट बैंकिङ्ग फाइनान्सले ऋणपत्र जारी गर्न अनुमति मागेको छ । कम्पनीले नेपाल धितोपत्र बोड (सेबोन) सँग २६ करोड रुपैयाँ बराबरको ऋणपत्र जारी गर्न अनुमति माग्दै निवेदन पेस गेको हो ।

सेबोनले अनुमति दिए कम्पनीले ‘गुहेश्वरी डिबेन्चर–२०८९’ जारी गर्ने छ । जसबाट कम्पनीले १ हजार रुपैयाँ अंकित दरका कुल २ लाख ६० हजार इकाइ ऋणपत्र बिक्री गर्नेछ । जारी गर्ने इकाइमध्ये १ लाख ५६ हजार इकाइ ऋणपत्र व्यक्तिगततर्फ बिक्री गर्नेछ भने बाँकी १ लाख ४ हजार इकाइ सार्वजनिक निष्कासन गर्नेछ ।

कम्पनीको यो ऋणपत्र ८ वर्षे अवधिको हो। जसबाट लगानी गर्नेहरुले वार्षिक ९ प्रतिशत ब्याज पाउनेछन्। ऋणपत्र बिक्री प्रबन्धकमा एनआईएमबी एस क्यापिटल रहेको छ।