काठमाडौ – बीमा दोकानले ‘स्वास्थ्यका लागि खेल र बीमाका लागि सहकार्य’ भन्ने मुल नाराका साथ दोस्रो संस्करणको इन्स्योरेन्स कप फुटसल टुर्नामेन्ट २०८२ सञ्चालन गर्ने भएको छ । बीमा दोकानको आयोजनामा उक्त प्रतियोगिता नयाँ वर्ष २०८२ सालको वैशाख ०७ र ०८ गते गरी दुई दिन आयोजना हुने भएको छ ।

काठमाण्डौं कालोपुल स्थित धन्वन्तरिमा आयोजना हुने उक्त प्रतियोगितामा ईन्स्योरेन्स कम्पनीहरूले मात्रै भाग लिन सकिने कम्पनीले जनाएको छ । यस प्रतियोगितामा जीवन बीमा कम्पनी, निर्जीवन बीमा कम्पनी, पुनर्बीमा कम्पनी, लघुजीवन तथा लघु निर्जीवन बीमा कम्पनी र बीमा प्राधिकरणले भाग लिन पाउनेछन् ।

उक्त आयोजनामा प्रथम पुरस्कार ३५ हजार र द्वितीय पुरस्कार १५ हजार निर्धारण गरिएको छ । अल नेपाल फुटबल एशोसियसन एन्फा को टेक्निकल सहयोग रहेको उक्त प्रतियोगितामा पेमेन्ट पार्टनर माईपे र साकुरा फुड आयोजनाको फुड पार्टनरको रूपमा रहेको छ ।

निर्मा, एस्पिरिट एजुकेसन, आई स्मार्ट सहयोगी संस्थाहरू रहने उक्त प्रतियोगितामा इन्स्योरेन्स खबर, बीमा पोस्ट, ऐना खबर, नेपाल मन्च, आर्थिक भ्वाईस र बैकिङ्ग समाचार मिडिया पार्टनरको रूपमा रहेका छन् ।