काठमाडौं – साताकाे पहिलाे काराेबारकाे दिन आइतबार शेयर बजारमा हरियाली छाएको छ । आज शेयर बजार मापक परिसूचक नेपाल स्टक एक्सचेन्ज (नेप्से) मा २९ दशमलव ८२ अंकको वृद्धि देखिएको छ । नेप्सेमा भारी अंककाे वृद्धिसँगै बजार २६ सय ९३ दशमलव १२ काे बिन्दुमा उक्लिएकाे छ ।

आज दिनभरिमा ३२३ कम्पनीको १ करोड ५५ लाख ७२ हजार ८६२ कित्ता शेयर किनबेच हुँदा ७ अर्ब ५६ करोड माथिको शेयर कारोबार भएको छ । आज सबैभन्दा धेरै हिमालयन रिइन्स्योरेन्सको शेयर कारोबार भएको छ ।

आज यस कम्पनीको ६९ करोड १९ लाख रुपैयाँको शेयर कारोबार भएको छ । नेपाल पुनर्बीमा कम्पनीको ४७ करोड ८४ लाख रुपैयाँको शेयर कारोबार भएको छ । एनआरएनको ३९ करोड ६८ लाख रुपैयाँको शेयर कारोबार भएको छ ।

आज सबैभन्दा धेरै जोशी हाइड्रोपावरका लगानकिर्ताले कमाएका छन् । आज यस कम्पनीका लगानीकर्ताले ९ दशलमव ९७ प्रतिशतका दरले कमाएका हुन् । दोर्दी खोला जलविद्युतका लगानीकर्ताले ६ दशलमव ९४ प्रतिशतका दरले कमाएका छन् । कुमारी सबल योजनका इकाईधनीले ६ दशलमव ३९ प्रतिशतका दरले कमाएका छन् ।

आज सबैभन्दा धेरै प्रभु स्मार्ट फन्डका इकाईधनीले गुमाएका छन् । आज यसका इकाईधनीले ५ दशलमव ७९ प्रतिशतका दरले गुमाएका हुन् । यसदिन विकास बैंक समूहमा ५१ दशमलव ३१ अंक, फाइनान्स समूहमा ५२ दशमलव ७१ अंक, होटल एन्ड टुरिज्म समूहमा ९५.४८ अंककाे वद्धि देखिएकाे छ ।