काठमाडौं – पछिल्लो समय बैंकिङ्ग प्रणालीको निक्षेप संकलनमा वृद्धि देखिएको छ । केन्द्रीय बैंकको चैत ११ र १२ गतेको तथ्यांकले बैंकिङ्ग निक्षेपमा वृद्धि भएको देखाएको हो । सो समयमा कर्जा प्रवाह भने स्थिर रहेको छ ।

केन्द्रीय बैंकको तथ्यांकअनुसार चैत ११ गते ६७ खर्ब ५१ अर्ब रुपैयाँ रहेको बैंकिङ्ग निक्षेप संकलन भएकोमा भोलिपल्ट बढेर ६७ खर्ब ५५ अर्ब रुपैयाँ पुगेको छ । यस्तै, सो समयमा वाणिज्य बैंकहरुले संकलन गर्ने निक्षेपमा पनि ४ अर्बको वृद्धि देखिएको छ । चैत ११ गते ६० खर्ब २५ अर्ब रुपैयाँ निक्षेप संकलन भएकोमा भोलिपल्ट बढेर ६० खर्ब २९ अर्ब रुपैयाँ पुगेको छ ।

समिक्षा अवधिमा कर्जा प्रवाह स्थिर रहेको छ । ११ गते ५४ खर्ब ५८ अर्ब रुपैयाँ कर्जा प्रवाह भएकोमा भोलिपल्ट पनि सोही रकम बराबरको कर्जा प्रवाह भएको छ । सो समयमा वाणिज्य बैंकहरुको कर्जा प्रवाह पनि स्थिर रहेको छ ।

चैत ११ गते ४८ खर्ब ४४ अर्ब रुपैयाँ कर्जा प्रवाह भएकोमा भोलिपल्ट पनि सोही रकम बराबरको कर्जा प्रवाह भएको छ । केन्द्रीय बैंकको तथ्यांकअनुसार सो समयमा अन्तर बैंक ब्याजदर ३ प्रतिशत र सिडी रेसियो ७९ दशमलव ५३ प्रतिशत रहेको छ।