काठमाडौं –निरन्तर बढिरहेको सुनको मूल्य हालसम्मकै उच्च विन्दुमा पुगेको छ । नेपाल सुनचाँदी व्यवसायी महासङ्घका अनुसार आज सुनकाे मूल्य ताेलामा ६ सय रूपैयाँले बढेकाे हाे ।

शुक्रबार प्रतितोला एक लाख ७६ हजार २०० रूपैयाँमा कारोबार भएको सुन आज तोलामा ६०० रुपैयाँले बढेर एक लाख ७६ हजार ८०० रुपैयाँ कायम भएको महासङ्घले जनाएको छ ।

त्यस्तै, आज चाँदीको मूल्य प्रतितोला १५ रूपैयाँ घटेर दुई हजार २५ रूपैयाँ कायम भएको छ । अन्तर्राष्ट्रिय बजारमा आज सुन प्रतिऔंस तीन हजार ८५ अमेरिकी डलर हाराहारीमा कारोबार भइरहेको छ ।