काठमाडौं – यो साता पाँच दिन कारोबार भएकाे शेयर बजार मापक परिसूचक नेपाल स्टक एक्सचेन्ज (नेप्से) मा ३ दिन वृद्धि र दुई दिन घट्यो । गत साताको बिहीबार नेप्से परिसूचक १२ दशलमव ३८ अंकले घटेर २,६६९ दशमलव ६९ को बिन्दुमा बन्द भएको बजार यो साताको पहिलो कारोबारको दिन आइतबार ५४ दशमलव ६२ अंकले घट्यो ।

आइतबार भारी अंकको गिरावटसँगै बजार २६ सय १४ दशमलव ६८ को बिन्दुमा रोकियो । यस्तै, सोमबार नेप्सेमा २६ दशमलव १० अंकको वृद्धिसँगै बजार २६ सय ४० दशमलव ७८ को बिन्दुमा उक्लियो ।

आइतबार र सोमबार बढेको बजार मंगलबार भने घट्यो । त्यसदिन नेप्से ५८ दशमलव ५ अंकले घटेर बजारमा २५ सय ८२ दशमलव ७३ को बिन्दुमा झर्यो ।

यस्तै, बुधबार नेप्से ३९ दशमलव १३ अंकले बढेर २६ सय २१ दशमलव ८६ को बिन्दुमा बजार रोकियो । साताको अन्तिम कारोबारको दिन बिहीबार बजार ४१ दशमलव ४३ अंकले शेयर बढ्दै २६ सय ६३ दशमलव ३० को बिन्दुमा रोकियो । यो साता ३ दिन बढेको बजारमा समग्रमा नेप्सेमा ६ अंक घटेर बन्द भएको छ ।

गत साताको अन्तिम कारोबार दिन २६ सय ६९ अंकमा रोकिएको नेप्से परिसूचक यो साता सामान्य अंकले घटेर २६ सय ६३ अंकमा रोकिएको छ ।

कुन दिन कति कारोबार ?
आइतबारः ६ अर्ब ३२ करोड रूपैयाँ
सोमबारः ४ अर्ब ४८ करोड रूपैयाँ
मंगलबारः ५ अर्ब १८ करोड रूपैयाँ
बुधबारः ४ अर्ब २० करोड रूपैयाँ
बिहीबार: ५ अर्ब २२ करोड रूपैयाँ