ग्रीन डेभलपमेन्टले बोलायो १२औँ वार्षिक साधारण सभा, हकप्रद वितरणको प्रस्ताव

काठमाडौं – हकप्रद शेयर वितरणको प्रस्ताव पारित गर्ने लक्ष्यसहित ग्रीन डेभलपमेन्ट बैंक लिमिटेडले १२औँ वार्षिक साधारण सभा बोलाएको छ । कम्पनीको चैत ५ गते बसेको सञ्चालक समितिको २२६औँ बैठकले १२औँ वार्षिक साधारण सभा बोलाउने र सो साधारणमा सभामा हकप्रद वितरणको प्रस्ताव लैजाने निर्णय गरेको हो ।

सञ्चालक समितिको प्रस्तावअनुसार साधारण सभामा बोनस शेयर वितरणपछि हुने कूल चुक्ता पुँजी ५६ करोड ९६ लाख रुपैयाँको १ः१.१ अनुपातमा हकप्रद शेयर वितरण गर्नेछ । यो प्रस्ताव आगामी वार्षिक साधारण सभाले पारित गरेमा आफ्ना लगानीकर्ताहरूमा १ः१।१ को अनुपातअनुसार हुने ६३ करोड ७ लाख १३ हजार २०० कित्ता शेयर हकप्रदमार्फत वितरण गर्नेछ ।

यस्तै, सञ्चालक समितिले चुक्ता पुँजी ५३ करोड ८७ लाख २२ हजार रुपैयाँको ५.७५ प्रतिशतले हुन आउने ३ करोड ९ लाख ७६ हजार रुपैयाँ बराबरको बोनस शेयर वितरण गर्नेछ । गत आर्थिक वर्षको नाफाबाट आफ्ना लगानीकर्तालाई कम्पनी सो बोनस शेयर वितरण गर्ने प्रस्ताव गरेको हो ।

कम्पनीले बोनस शेयरको कर प्रयोजनका लागि लगानीकर्तालाई ०.३०२७ प्रतिशतले हुन आउने १६ करोड ३० लाख रुपैयाँ नगद लाभांश समेत वितरण गर्ने छ । चैत २७ गतेका लागि साधारणका सभाका लागि कम्पनीले यही चैत १५ गतेका लागि बुक क्लोज गर्ने भएको छ ।