नेप्सेको सीईओका लागि सर्टलिस्टमा परेका पाँच जनाले प्रस्तुत गरे व्यावसायिक कार्य योजना 

काठमाडौं – नेपाल स्टक एक्सचेन्ज लिमिटेड (नेप्से) को प्रमुख कार्यकारी अधिकृत (सीईओ) पदमा नियुक्तिका सर्टलिस्टमा परेका पाँच जनाले व्यावसायिक कार्य योजनाको प्रस्तुत गरेका छन् ।  

सर्टलिस्टमा परेका पाँच जनाले अर्थ मन्त्रालयमा आज बिहान व्यावसायिक कार्य योजनाको प्रस्तुत गरेका हुन् ।  सर्टलिस्टमा पर्नेहरूमा चूडामणि चापागाईँ, नारद कुमार लुइँटेल, पूर्ण प्रसाद आचार्य,  बद्री प्रसाद प्याकुरेल र हेमन्त बस्याल रहेका छन् ।

सीईओ चयनका लागि गठित सिफारिस समितिले छनाैटमा परेकाहरूलाई चैत ६ गते (आज) बुधबार बिहान सात बजे अर्थ मन्त्रालयमा व्यावसायिक कार्ययोजनाको प्रस्तुतीकरण र अन्तर्वार्ता प्रक्रिया लागि बाेलाएकाे हाे । अन्तर्वार्ता र प्रस्तुतीकरणपछि, चयन समितिले एक उम्मेदवारलाई सिफारिस गर्नेछ र त्यसपछि मन्त्रिपरिषद्ले अन्तिम निर्णय लिनेछ।

सिफारिस समितिको संयोजक अर्थ मन्त्रालयका सहसचिव सेवान्तक पोखरेल रहेका छन्। नेप्सेको सीईओ पदको लागि १० जनाले आवेदन दिएका थिए। जसमध्येबाट ५ जना सर्टलिस्टमा परेका हुन् ।