अत्तरिया– कैलालीको गोदावरी नगरपालिका– ४ बसन्तपुरमा रहेको सुर्योदय वोमी लघुवित्त वित्तीय संस्था लिमिटेडले गुनासो सुनुवाई तथा समुह भेला कार्यक्रम आयोजना गरेको छ । मंगलबार अत्तरियामा संस्थामा आवद्ध सदस्यहरुलाई भेला गराई संस्थाले सो कार्यक्रम आयोजना गरेको हो ।

संस्थाका शाखा प्रमुख दिपक महराले शाखामा आवद्ध सदस्यहरुलाई कार्यक्रममा समेटिएको बताए । उनले शाखाका बारेमा सदस्यहरुका गुनासाहरु सुन्न र ति गुनासाहरुका बारेमा संस्थाको केन्द्रिय तहसम्म जानकारी दिन कार्यक्रम आयोजना गरिएको बताए ।

‘हामीले हाम्रो तर्फबाट राम्रै देखिरहेका हुन्छौ, तर उहाँहरुको तर्फबाट उहाँहरुको गुनासो के छ भन्ने विषयमा थाहा पाउनका लागि हामीले यो कार्यक्रम आयोजना गरेका हौ’ उनले भने ‘यो कार्यक्रमले सदस्यहरुको गुनासाहरुका बारेमा जानकारी पाईनुका साथै संस्थालाई सुधारान्मुख बनाउन र अझै प्रभावकारी बनाउन सहयोग पुग्ने विश्वास लिएका छौ ।’

उनले कार्यक्रममा सदस्यहरुबाट गुनासो संकलन गरी अनुगमन अधिकृतले केही कुराहरुको जवाफ दिने र बाँकी कुराहरुको केन्द्रिय कार्यालयसम्म रिर्पोट दिईने बताए । उनका अनुसार सदस्यहरुका गुनासाहरु सुन्नका लागि केन्द्रिय कार्यालयका अनुगमन अधिकृत जमिल खत्री पनि कार्यक्रममा उपस्थित भएका छन । कार्यक्रममा उत्कृष्ट गर्ने समुहहरुलाइ र सदस्यहरुका छोराछोरीहरुबाट एसइइमा उत्कृष्ट नतिजा ल्याउने विद्यार्थीलाई पुरस्कृत समेत गरिएको थियो ।

अत्तरियामा २०७७ सालमा शाखा कार्यालय स्थापना गरेको संस्थाले कैलाली र कञ्चनपुरका ३ वटा पालिकाहरुलाई कार्यक्षेत्र बनाएको छ । कैलालीको गोदावरी नगरपालिका तथा धनगढी उपमहानगरपालिका र कञ्चनपुरको कृष्णपुर नगरपालिकाका नागरिकहरुलाई बित्तीय सेवा दिईरहेको संस्थामा हाल १ हजार २० सदस्यहरु आवद्ध रहेको महराले बताए ।