काठमाडौं – चैत महिनामा ५ दिन बैंक तथा वित्तीय संस्थाहरू बन्द रहने भएका छन् । अन्य सार्वजनिक बिदा र शनिबारसहित आजबाट सुरु भएको चैतमा बैंकहरुले २६ दिन सेवा दिने भएका हुन् । चैत १ गते अर्थात् आज फागु पूर्णिमा (होली) का कारण तराई जिल्लामा सार्वजनिक बिदा छन् । जसले गर्दा त्यस क्षेत्रमा रहेका बैंक तथा वित्तीय संस्थाहरु मात्र बन्द छन् ।

चैत १६ गते घोडेजात्रा (उपत्यका बिदा) र २३ गते चैते दसैँ परेका छन्। तर, पर्व शनिबार परेका छन्। यसरी हेर्दा फागुन महिनाको तुलनामा चैतमा सार्वजनिक बिदा कम परेको छ । गत महिना फागुनमा ४ दिन सार्वजनिक बिदा र ४ वटा शनिबार गरी बैंक तथा वित्तीय संस्थाहरू ८ दिन बन्द भएका थिए । 

शनिबार तथा अन्य सार्वजनिक बिदाका दिन सरकारी कार्यालय, शेयर बजार, बीमा कम्पनीहरू लगायतका संस्थाहरू पूर्ण रुपमा बन्द भएपनि वाणिज्य तथा विकास बैंकहरुले भने आंशिकरूपमा सेवा दिइरहेका हुन्छन् । अधिकांश बैंकहरुले पूर्णरुपमा सेवा नदिए पनि अनुकूलताअनुसार सेवाग्राहीहरूको सुविधालाई मध्यनजर गर्दै विभिन्न शाखामार्फत निश्चित समय तोकेर सेवा दिइरहेका हुन्छन्। 

चैतमा कुन दिन बन्द रहन्छन् बैंक ?

१ गते (होली) तराई जिल्लामा बिदा 
५ वटा शनिबार (२ गते, ९ गते, १६ गते, २३ गते, ३० गते)

बैंकहरुको कार्यालय समय वैशाख १ गतेदेखि कात्तिक १५ गतेसम्म र माघ १६ गतेदेखि चैत मसान्तसम्म बिहान १० बजेदेखि अपराह्न ५ बजेसम्म रहन्छ। यस्तै, कात्तिक १६ गतेदेखि माघ १५ गतेसम्म भने कार्यालय समय बिहान १० बजेदेखि अपराह्न ४ बजेसम्म रहन्छ ।

शुक्रबारको हकमा भने १० बजदेखि १ः३० बजेसम्म बैंक खुल्ने बैंकले जनाएको छ । राष्ट्र बैंकको कार्य ३० बजेसम्म बैंक खुल्ने बैंकले जनाएको छ । राष्ट्र बैंकको कार्यतालिका अनुसार २०८१ सालमा जम्मा ३७ दिन बैंक बन्द रहनेछन् । तालिका अनुसार २०८१ सालमा जम्मा ३७ दिन बैंक बन्द रहनेछन् ।

यसमध्ये प्रदेश सरकारले वर्षभरि आ–आफ्नो प्रदेशमा बढीमा ६ दिनसम्मको सार्वजनिक बिदा दिन पाउने व्यवस्था गरिएको छ। यदि ६ दिनभन्दा बढी बिदा दिन परे प्रदेश र काठमाडौं उपत्यकाका तीन जिल्लाको हकमा गृह मन्त्रालयले निर्णय गरेबमोजिम हुने राष्ट्र बैंकले जनाएको छ।