बैंकिङ्ग समाचार, काठमाडौं ।

कोरोनापछि बढेको डिजिटल कारोबारमा जनमानसको चासो बढेको भएपनि पछिल्लो तथ्यांकले भने डिजिटल कारोबारमा केही कमी आएको देखाएको छ ।  चालु आ.वको पहिले महिना (साउन) मा क्यूआर प्रणालीबाट भुक्तानी गर्नुको संख्या बढेपनि अन्य भुक्तानी प्रणाली भने घटेको छ । 

असार मसान्तमा क्यूआर पेमेन्ट, इन्टरनेट बैंकिङ्ग, मोवाइल वालेट लगायतको डिजिटल कारोबारीको संख्यामा कमी आएको हो । 

राष्ट्र बैंकको तथ्यांक अनुसा साउनमा इन्टरनेट बैंकिङ्गबाट हुने भुक्तानी पनि असार महिनाको तुलनामा साउनमा महिनामा १० अर्ब ६९ करोड ४० लाख रुपैंयाले कारोबारमा गिरावट आएको हो । 

त्यस्तै, मोवाइल बैंकिङ्ग मार्फत कारोबार १ खर्ब ६३ अर्ब २५ करोड ५० लाख भुक्तानी भएको छ ।

त्यस्तै, मोवाइल वालेटबाट कारोबार पनि घटेको छ । असार मसान्त भन्दा साउन मसान्त सम्ममा २८ करोड ८० लाख रुपैंयाले घटेर १७ अर्ब ४६ करोड ४० लाखमा कारोबार खुम्चिएको हो । 

क्यूआर कोड मार्फत कारोबार गर्नेको संख्यामा भने केही सुधारको रेखा देखा परेको छ । असार मसान्तको भन्दा साउन महिनामा २९ करोड १० लाखले बढी कारोबार भएको छ । साउनमा मसान्तमा मात्रै क्यूआर बाट कारोबार १४ खर्ब ८१ करोड ७० लाख भएकोमा असारमा यसको दर कुल १४ अर्ब ५२ करोड ६० लाख भएको थियो । 

विद्युतिय कारोबारमा जनचेतना तथा पूर्वाधार विकास, विद्युतिय भुक्तानी कारोबारका लागि गरिएको प्रोत्साहन र सर्वसाधारणको विद्युतिय भुक्तानीप्रतिको आकर्षले पनि कारोबार बढ्दै गएको हो ।