विराटनगर – जीवन विकास लघुवित्त वित्तीय संस्थाले १९ शाखा कार्यालयहरुमा केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छ ।  जीवन विकासले हरेक शाखामा २–२ वर्षमा केन्द्र प्रमुख गोष्ठी तथा सदस्यलाई वित्तीय सचेतनाका लागि वित्तीय साक्षरता गोष्ठी सञ्चालन गर्दै आएको छ । फागुन ८ गते देखि ११ गतेसम्म १६० शाखा मध्ये १९ वटा शाखामा कार्यक्रम आयाेजना गरेकाे हाे ।

जीवन विकासले भारदह, सोनबर्षा, खयरमारा, इटाभट्टा, राजगढ, किसानपुर, बुधनगर, औरही, बनियानी, नाढीताल, टाघडुब्बा, सबैला, मझारे, पतारी, खुदुनावारी, हनुमानचौक, दमक, अमाही र नर्घो शाखामा केन्द्र प्रमुख गोष्ठी तथा वित्तीय साक्षरता कार्यक्रम गरेको  हाे ।

सबै शाखाले आफ्ना कार्यक्षेत्रका अति विपन्न बालबालिकाकालाई एक वर्षका लागि आवश्यक शैक्षिक सामग्री व्यहोर्ने गरी छात्रवृत्ति प्रदान गरेका थिए ।  शाखामा रहेका उत्कृष्ट बचतकर्ता, ह्युमन एटिएम, ऋणी, उद्यमी तथा केन्द्रहरुलाई पुरस्कार प्रदान गरेकाे थियाे । वित्तीय साक्षरता प्रदान गरिने कार्यक्रम मार्फत जीवन विकासले सदस्यकाे  गुनासोकाे सुनुवाई पनि गर्छ । 

राष्ट्रिय स्तरको कार्यक्षेत्र भएको  जीवन  विकासले कोशी प्रदेश, मधेश र बागमती प्रदेशका ३१ जिल्लामा १६० वटा शाखा मार्फत सेवा प्रवाह गरिररहेकाे छ । शाखा मार्फत करिब ३ लाख ५० हजार विपन्न परिवार आवद्ध भइ कारोबार गरिरहेका छन् । वित्तीय संस्थाबाट करिब २ लाख सदस्यहरुले ऋण लिएर आर्थिक प्रगति गरिरहेका छन् । जीवन विकासले २७ अर्व भन्दा बढी ऋण कारोबार र ११ अर्व भन्दा बढी बचत परिचालन गरेको छ ।