काठमाडौं – नेपाली बजारमा आज सुनको मूल्यमा सामान्य वृद्धि देखिएको छ । नेपाल सुनचाँदी व्यवसायी महासंघकाअनुसार आज सुनको मूल्य तोलामा ४ सय रुपैयाँले बढेको हो ।

योसँगै आज छापावाल सुन प्रतितोला १ लाख ५५ हजार ४ सय रुपैयाँमा कारोबार भइरहेको छ । हिजो सुन तोलामा १ लाख ५५ हजार रुपैयाँ कारोबार भएको थियो।

आज चाँदीको मूल्य पनि तोलामा १० रुपैयाँले बढेर १ हजार ८३० रुपैयाँमा कारोबार भइरहेको छ। हिजो चाँदी तोलामा १ हजार ८२० रुपैयाँमा किनबेच भएको थियो।