काठमाडाैं – दक्षिण कोरियामा आज बिहान भएको विमान दुर्घटनामा परी १७९ जनाको मृत्यु भएको छ । थाइल्यान्डको बैंककबाट आएको जेजु एयरको विमान दक्षिण कोरियाको मुआन अन्तर्राष्ट्रिय विमानस्थलमा अवतरणको क्रममा दुर्घटना भएको हुँदा १७९ जनाकाे मृत्यु भएको हो।

विमानमा चालक दलका ६ सदस्यसहित १८१ जना थिए । उनीहरूमध्ये दुई जना थाइल्यान्डका र अरू सबै दक्षिण कोरियाका थिए । विमानमा सवार १८१ जनामध्ये दुइ जनाकाे जीवितै उद्धार गरिएको थियो । उनीहरू एक जना चालक दलका सदस्य र एक जना यात्रु हुन् ।

दुर्घटना लगत्तै अग्नि नियन्त्रकसहितका उद्धारकर्ताले उनीहरूको उद्धार गरेका थिए । विमान दुर्घटनाको कारण खुलिसकेको छैन ।