काठमाडौं – प्रभु महालक्ष्मी लाइफ इन्स्योरेन्स लिमिटेडको बोनस शेयर सम्बन्धित शेयरधनीको डिम्याट खातामा पठाइएको छ।

कम्पनीको गत असोज २३ गते बसेको साधारणसभाले १० प्रतिशत बोनस शेयर वितरण गर्ने प्रस्ताव स्वीकृत गरेको थियो। यो बोनस शेयर नेप्से र सिडिएस एण्ड क्लियरिङ्गमा दर्ता भई अभौतिक रुपमा कारोबारमा आइसकेको कम्पनीले जनाएको छ।

असोज १५ गतेसम्म धितो बन्धक राखी कर्जा लिएका शेयरधनीको हकमा कर्जा प्रवाह गर्ने वित्तीय संस्थाको नाममा रोक्का जनाइएकाले कर्जा चुक्ता भइसकेको भए सम्बन्धित वित्तीय संस्थाबाट बोनस शेयर फुकुवा गर्न समेत आग्रह गरेको छ।