बैंकिङ्ग समाचार, काठमाडौं ।

नेपाल पुनर्बीमा कम्पनी लिमिटेडको कम्पनी सचिवमा दामोदर भण्डारी नियुक्त भएका छन् ।

कम्पनीको असार १८ गते बसेको सञ्चालक समितिको बैठकले कम्पनीका सहायक प्रमुख कार्यकारी अधिकृत भण्डारीलाई कम्पनी सचिवमा नियुक्त गरेको हो ।

उक्त जानकारी कम्पनीले नेप्से मार्फत सूचना जारी गरेर दिएको हो । नेपाल पुनर्बीमा कम्पनी लिमिटेड सरकारी स्वामित्वको पुनर्बीमा कम्पनी हो । जसमा सरकारको ४४.०३९ प्रतिशत लगानी रहेको छ ।

संस्थापक सेयरधनीका रूपमा निर्जिवन बीमा, जीवन बीमा कम्पनीहरूको ३९.९६१ प्रतिशत सेयर स्वामित्व रहेको भने सर्वसाधारण सेयरधनी समूहको १६ प्रतिशत लगानी रहेको छ । नेपाल पुनर्बीमा नेपालमा स्थापना भएको पहिलो पुनर्बीमा कम्पनी हो ।