काठमाडौं – नेपाल इन्स्योरेन्स कम्पनी र लुम्बिनी लायन्सबीच एनपएील क्रिकेट प्रायोजनसम्बन्धी द्विपक्षीय सम्झौता सम्पन्न भएको छ। मसिंर १५ गते देखि त्रिभुवन विश्वविद्यालय कीर्तिपुरमा आयोजना भइरहेको प्रिमियर लिगमा विश्वाशिलो बीमा साझेदारका रुपमा यस कम्पनीले सम्झौता गरेको हो

कम्पनीका तर्फबाट नायब प्रमुख कार्यकारी अधिकृत ईश्वर पोखरेल र लुम्बिनी लायन्सका तर्फबाट अध्यक्ष ईश्वर बहादुर जीसीले सम्झौतापत्रमा हस्ताक्षर गरेका छन्। हस्ताक्षर कार्यक्रममा कम्पनीका सहायक प्रमुख कार्यकारी अधिकृत विकल लाल श्रेष्ठ र लुम्बिनी लायन्सका बाबु काजी कार्कीको समेत उपस्थिति थियो।

उक्त लिगमा सहभागी खेलाडी तथा अन्य व्यक्तिहरुले प्रयोग गर्ने लुम्बिनी लायन्सको टोपीमा कम्पनीको लोगो अंकित हुनेछ भने अन्य विभिन्न प्रवर्द्धनात्मक क्रियाकलापहरुमा समेत नेपाल इन्स्योेरेन्सको सहभागिता रहने कम्पनीले जनाएको छ।