काठमाडौं – नेपाली बजारमा आज सुनको मूल्य बढेकाे छ । शुक्रबार सुनको मूल्य तोलामा १ हजार ६ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ५० हजार ९०० रुपैयाँमा कारोबार भइरहेको छ ।

अघिल्लो कारोबार दिन बिहिबार छापावाला सुन प्रतितोला १ लाख ४९ हजार ३ सय रुपैयाँमा कारोबार भएको थियो । त्यस्तै, आज चाँदी प्रतितोला ४५ रुपैयाँले बढेर प्रतितोला एक हजार ८४५ रुपैयाँमा कारोबार भइरहेको छ ।