काठमाडौं – नेपाली बजारमा सोमबार सुनको मूल्यमा गिरावट देखिएको छ । पछिल्लो समय लगातार बढ्दै कीर्तिमानी राख्दै आएको सुनको मूल्यमा केही दिन यता भने गिरावट देखिन थालेको छ ।

अघिल्लो दिन तोलामा ५ सय घटेको सुन सोमबार १ हजार घटेको छ । नेपाल सुनचाँदी व्यवसायी महासङ्घका अनुसार आज सुन प्रतितोला १ लाख ६५ हजार रुपैयाँमा कारोबार भइरहेको छ ।

अघिल्लो दिन १ लाख ६६ हजार रुपैयाँ थियो । यसअघि कात्तिक १५ गते सुनको मूल्य प्रतितोला १ लाख ७१ हजार रुपैयाँ पुगेको थियो ।

त्यस्तै, चाँदीको आज चाँदी तोलामा ५ रुपैयाँले घटेको छ । हिजो प्रतितोला १९ सय ६० रुपैयाँ रहेको चाँदी यस दिन १९ सय ५५ मा झरेको छ ।