काठमाडौं – आज बिहीबार नेपाली बजारमा सुनको मूल्यमा भारी गिरावट आएको छ । सुन एकैदिन तोलामा चार हजार रुपैयाँले घटेको हो । नेपाल सुनचाँदी व्यवसायी महासंघका अनुसार आज सुन प्रतितोला एक लाख ६४ हजार ५०० रुपैयाँमा कारोबार भइरहेको छ । बुधबार भने सुनको मूल्य तोलामा एक लाख ६८ हजार ५०० रुपैयाँमा कारोबार भएको थियो ।

यता, चाँदीको मूल्यमा समेत घटेको छ । चाँदीको मूल्य आज तोलामा ५५ रुपैयाँले घटेर प्रतितोला एक हजार ९६० रुपैयाँमा कारोबार भइरहेको छ । त्यस्तै, चाँदीको भाउ पनि तोलामा ५५ रुपैयाँ घटेको छ । अघिल्लो दिन प्रतितोला २०१५ रुपैयाँ रहेको चाँदी यस दिन १९६० मा झरेको छ ।

अन्तर्राष्ट्रिय बजारमा सुनचाँदी मूल्यमा आएको उच्च गिरावटले नेपालमा प्रभाव देखिएको हो । अन्तर्राष्ट्रिय बजारअनुसार नेपालमा दैनिक मूल्य समायोजन हुँदै आएको छ ।