काठमाडौं – तिहार अघि दिनुहुँ बढ्दै नयाँ रेकर्ड कायम गरिरहेकाे सुनकाे मूल्यमा तिहार लगत्तै भारी अंककाे गिरावट देखिएकाे छ । आज सुनको मूल्यमा प्रतिताेला २ हजार ९ सय रूपैयाँकाे गिरावट देखिएकाे हाे ।

आज मंगलबार सुनकाे मूल्य १ लाख ६८ हजार २०० रुपैयाँमा झरेको नेपाल सुनचाँदी व्यवसायी महासंघले जनाएको छ । तिहार अघि गत बिहीबार सुनकाे मूल्य हालसम्मकै उच्च प्रतितोला १ लाख ७१ हजार १०० रुपैयाँ पुगेको थियो ।

चाँदीको मूल्य तिहारपछि तोलामा ६० रुपैयाँ घटेको छ । गत बिहीबार प्रतितोला २०९० रुपैयाँ रहेको चाँदी आज २०३० रुपैयाँ कायम भएकाे छ ।