काठमाडाैं – बुधबारपनि नेपाली बजारमा सुनकाे मूल्यले नयाँ रेकर्ड कायम गरेकाे छ । केही दिनयता निरन्तर बढ्दै नयाँ रेकर्ड कायम राखिरहेकाे सुनकाे मूल्य आज ताेलामा २२ सय रूपैयाँले बढेकाे हाे ।

नेपाल सुनचाँदी व्यवसायी महासंघका अनुसार आज छापावाल सुन १ लाख ७० हजार ७ सय रुपैयाँमा कारोबार भइरहेको छ । मंगलबार सुन तोलामा १ लाख ६८ हजार ५ सय रुपैयाँमा कारोबार भएको थियो।

आज चाँदीको मूल्य पनि तोलामा १५ रुपैयाँले बढेको छ । आज चाँदी प्रतितोला २ हजार १२० रुपैयाँमा कारोबार भइरहेको छ ।