काठमाडौं – सोमबार नेपाली बजारमा सुनको मूल्य घटेको छ। आइतबार हालसम्मकै उच्च बिन्दुमा कारोबार भएको सुनको मूल्य आज ४ सय रुपैयाँले घटेको हो।

आइतबार सुन हालसम्मै उच्च अर्थात् १ लाख ४५ हजार ४ सय रुपैयाँ प्रतितोलामा कारोबार भएको थियो। सोमबार भने प्रतितोला १ लाख ४५ हजार रुपैयाँमा कारोबार भइरहेकाे नेपाल सुनचाँदी व्यवसायी महासंघले जनाएको छ।

आज चाँदीको मूल्य भने स्थिर रहेको छ। आइतबार प्रतितोला १८९० रुपैयाँमा कारोबार भएको चाँदी आज पनि सोही मूल्यमा कारोबार भएको छ।