काठमाडौं– मान्छापुच्छ्रे बैंकका प्रमुख कार्यकारी अधिकृत सन्तोष कोइरालाले नेशनल बैंकिङ्ग डिस्कोर्स २०२४ निकै समय सापेक्ष रहेको बताएका छन् । कार्यक्रमप्रति आफ्नो प्रतिक्रिया दिँदै बैंकिङ्ग समाचारले गत वर्ष पनि यस्तो खालको डिस्कोर्स गरेको र मौद्रिक नीति आउने पूर्व सन्ध्यामा यो कार्यक्रम गर्दै गर्दा नीति बनाउने केन्द्रीय बैंकलाई विज्ञहरुले दिएको सुझावले सहयोग पुग्ने बताए ।

उनले रेमिट्यान्स वित्तीय साक्षरता लगायतका विषयहरुको कुरा आइरहेको भन्दै यि कुराहरु बैंकिङ्ग क्षेत्रको जल्दोबल्दो कुराहरु भएको बताए । उनले यस्तो किसिमको कार्यक्रमले बजारमा सकारात्मक प्रतिक्रिया दिने उल्लेख गरे ।