काठमाडौं – नेपाली सेनाले विभिन्न पदका लागि दुई हजार पाँच सय ७४ जना कर्मचारी माग गरेको छ। देशैभरका कार्यालयहरूका लागि आवश्यक रहेका सूचना प्रकाशन गर्दै नेपाली सेनाको स्वीकृत दरबन्दीभित्र रिक्त रहेका सैन्य तथा विभिन्न ट्रेडका फलोअर्स (ब.का.सि.सूचिकार, सफाइकर्मी, चर्मकर्मी, लोहाकार) पदमा भर्ना आव्हान गरेको हो।

नेपाली सेना भर्ना छनौट निर्देशनालयले एक सूचना प्रकाशन गर्दै जेठ १२ गतेसम्म दरखास्त दिने अन्तिम मिति तोकेको छ। दरखास्तका लागि कक्षा ८ उत्तीर्ण गरेका महिला तथा पुरुष हुनु पर्ने र १८ वर्ष पुरा भई २२ वर्ष ननाघेको हुनुपर्ने छ।