काठमाडौं – पोखरामा एक वर्षको अवधिमा साढे १६ हजारले प्याराग्लाइडिङ यात्रा गरेको सरकारी तथ्यांकले देखाएको छ। संस्कृति, पर्यटन तथा नागरिक उड्डयन मन्त्रालयले सार्वजनिक गरेको सन् २०२३ को तथ्यांक अनुसार यस वर्ष १६ हजार ४६८ जनाले पोखराको प्याराग्लाइडिङ चढेका हुन्।

यस वर्ष ६ हजार ९९३ जना विदेशी र ९ हजार ४७५ जना नेपाली नागरिकले प्याराग्लाइडिङ चढेको तथ्यांकमा उल्लेख छ। अघिल्लो वर्ष पोखरामा १४ हजार ९६० जनाले प्याराग्लाइडिङ चढेका थिए।

कोभिड महामारीको वर्षहरुमा समेत प्याराग्लाइडिङ चढ्ने यात्रु घटेका थिएनन् । नेपालमा चार दर्जन भन्दा धेरै कम्पनीले पोखरालाई केन्द्रित गरी प्याराग्लाइडिङ व्यवसाय गर्दैै आएका छन्। पोखराको शाहसिक पर्यटकीय उत्पादनमध्ये यो एक हो।