काठमाडौं– सूर्योदय वोमी लघुवित्त वित्तीय संस्था लिमिटेड सिमरा स्टेशन अन्तर्गतको अर्धवार्षिक समिक्षा तथा अन्तरक्रिया गोष्ठी सम्पन्न भएको छ । सोमबारहेटौंडामा रहेको होटल प्रकाशमा गोष्ठी सम्पन्न भएको हो ।

लघुवित्तको सिमरा स्टेशन अन्तर्गत मकवानपुर, बारा र पर्सा जिल्लाका १२ वटा शाखा कार्यालयका शाखा प्रमुखहरुको सहभागितामा गोष्ठी सम्पन्न भएको हो । लघुवित्ताले विभिन्न १७ वटा स्टेशन कार्यालयहरुको अर्धवार्षिक समिक्षा तथा अन्तरक्रिया गोष्ठी समेत सम्पन्न गरेकोे छ । कार्यक्रमको उद्घाटन सत्रमा बोल्दै संस्थाका नायव प्रमुख कार्यकारी अधिकृत प्रमेश आचार्यले सदस्यहरुको जिवनस्तर उकास्नको लागि विभिन्न उत्पादनमुखी तालिम, वित्तीय साक्षरता लगायत सदस्यमैत्री तालिमहरु सञ्चालन गर्न शाखा प्रमुखहरुलाई सुझाव दिए ।

कर्पोरेट कार्यालय महालक्ष्मी–०४, ललितपुरमा रहेको वित्तीय संस्थाले विगत १२ वर्षदेखि हाल राष्ट्रियस्तरमा कार्यक्षेत्र बनाई ५५ जिल्लामा १९२ वटा शाखा कार्यालयको माध्यमबाट करिब १ लाख ६५ हजार सदस्यहरुलाई निरन्तर विपन्न वर्गको उत्थानमा कार्य गर्दे आएको छ ।