काठमाडौं – सार्वजनिक खरिद अनुगमन कार्यालयले ११ निर्माण कम्पनी र आपूर्तिकर्तालाई कालोसूचीमा राख्ने प्रक्रिया थालेको छ। कार्यालयले ठेक्का लिएर समयमे काम नगर्ने र आपूर्ति नगर्ने ११ निर्माण कम्पनी र आपूर्तिकर्तालाई कालोसूचीमा राख्न कार्यालयले प्रक्रिया थालेको हो।

जसमा विभिन्न जिल्लाका स्थानीय तहहरूले सिफारिस गरेबमोजिमका निर्माण कम्पनी र आपूर्तिकर्ताहरु छन् । कालोसूचीमा राख्न सिफारिस भएका निर्माण कम्पनीहरूमा लमजुङको चम्पादेवी रोडा ढुंगा बालुवा प्रशोधन केन्द्र, ललितपुरको न्यू प्रिन्सपल फेसन ओयर, कञ्चनपुरको प्रगति कन्स्ट्रक्सन लगायत छन्।

यी निर्माण व्यवसायीहरूलाई कालोसूचीमा राख्न नपर्ने आधार भए सूचना प्राप्त भएको मितिले ३० दिनभित्र लिखित स्पष्टीकरण बुझाउन आग्रह गरिएको छ ।