काठमाडौं – व्यवसायी अरुण चौधरीलाई बिहीबार प्रहरीको केन्द्रीय अनुसन्धान ब्युरो (सीआईबी) को टोलीले पक्राउ गरेको छ । चौधरीलाई सीआईबीको टोलीले बाँसबारी छाला जुत्ता कारखानाको जग्गा सम्बन्धी विवादमा अनुसन्धानका लागि प्रकाउ गरेको हो ।

व्यवसायी चौधरी माथि बाँसबारी छाला जुत्ता कारखानाको जग्गा हडपेको आरोप लागेकाे छ । सोही प्रकरणमा सीआईबीले चौधरीसँगै अजितनारायणसिंह थापालाई पनि पक्राउ गरेको छ। पक्राउ परेका चौधरी सीजी होल्डिङ्सका अध्यक्ष तथा प्रबन्ध निर्देशक समेत हुन्।