काठमाडौं- नेपाल बीमा प्राधिकरणले पुनर्बीमा कम्पनीहरूको न्युनतम चुक्ता पुँजी २० अर्ब रूपैयाँ हुनुपर्ने बताएको छ । प्राधिकरण सञ्चालक समितिको बैठकले पुनर्बीमा कम्पनीको न्युनतम चुक्तापूँजी २० अर्ब पुर्‍याउने निर्णय गरेको हो।

अहिले पुनर्बीमा कम्पनीहरूको न्युनतम चुक्ता पुँजी १० अर्ब रूपैयाँ हुनुपर्ने व्यवस्था छ। प्राधिकरणले बीमा कम्पनीहरुलाई आगामी १५ दिनभित्र यस्तो चुक्ता पुँजी वृद्धिको योजना बुझाउन समेत निर्देशन दिएको छ।

बीमा कम्पनीहरू कै चुक्ता पुँजी वृद्धि गरिएकोले पुनर्बीमा कम्पनीको पुँजी वृद्धि गर्नुपर्ने देखिएकोले यस्तो निर्णय गरेको प्राधिकरणले जनाएको छ ।

हाल नेपालमा दुईवटा पुनर्बीमा कम्पनी सञ्चालनमा छन्। सञ्चालनमा रहेको नेपाल रिइन्स्योरेन्स कम्पनीको चुक्ता पुँजी हाल १२ अर्ब ८१ करोड छ। नेपाल पुनर्बीमा कम्पनीको चुक्ता पूँजी १२ अर्ब ८१ करोड रुपैयाँ रहेको छ ।