जापान–जापानमा गएको शक्तिशाली भूकम्पमा परी मृत्यु हुनेको संख्या कम्तीमा ६२ पुगेको छ । हालसम्म घाईते हुनेको संख्या ३ सय पुगिसकेको छ भने २० को अवस्था निक्कै गम्भिर रहेको छ ।

प्रभावित क्षेत्रको उद्दारमा संलग्न अनुसन्धान अधिकारीहरुका अनुसार प्रकोपका कारण करिब ३२ हजार जनजीवन प्रतक्ष्य रुपमा प्रभावित बनेको र उनीहरुलाई सुरक्षित स्थानमा सारिएको छ । जापानमा गत सोमबार गएको ७.५ म्याग्निच्यूडको शक्तिशाली भूकम्पले उक्त क्षति निम्त्याएको थियो । वाजीमा र सुजु नाम गरेका शहर भुकम्पबाट विषेश रुपमा प्रभावित भएका हुन् ।

भुकम्पको धक्कासँगै आएको करिब एक मिटर अग्लो सामुन्द्रिक उछालको कारण सडक तथा जनजीवन थप प्रवाभित भएको छ । उद्दारसँगै नागरीकहरुलाई बाढी र पहिरोबाट सर्तक रहन त्यहाँको सरकारले सूचित गरेको छ ।

यस्तै भुकम्प प्रभावित क्षेत्रमा ठुलो सुनामी आउनसक्ने पनि त्यहाँको स्थानीय सरकारले बताएको छ ।