बैंकिङ्ग समाचार, काठमाडौं– बिहीबार नेपाली बजारमा सुनचाँदीको मूल्यमा वृद्धि भएको छ । आज छापावाला सुनको मूल्य प्रतितोला १३ सय रुपैयाँले बढेर १ लाख २२ हजार रुपैयाँ पुगेको छ ।

नेपाल सुनचाँदी महासंघकाअनुसार तेजाबी सुनको मूल्य पनि १३ सय रुपैयाँले बढेको छ । बुधबार १ लाख २० हजार १०० रहेको तेजाबी सुनको मूल्य आज १ लाख २१ हजार ४ सय रुपैयाँ पुगेको छ ।

यसदिन चाँदीको मूल्यमा पनि वृद्धि भएको छ । बिहीबार चाँदी प्रतितोला १५ रुपैयाँले बढेर एक हजार ४९० रुपैयाँमा कारोबार भइरहेको छ ।