इसेवाको लिंक खाताबाट कारोबार गर्दा अधिकारीले जिते एक लाखको सपिङ भौचर 

काठमाडाैं- इसेवाको मेगा लिंक मेनिया अफर अन्तर्गत बैंक वा सहकारी खाता इसेवामा लिंक गरी कारोबार गर्दा प्रनिश अधिकारीले एक लाख रूपैयाँको सपिङ भौचर जित्न सफल भएका छन्।

यस अफरमा सहभागी भएका प्रयोगकर्तामध्ये प्रनिश अधिकारी इसेवाको आधिकारिक फेसबुक पेजमा भएको लाइभमार्फत् भाग्यशाली विजेता घोषित भएका हुन्। विजेता अधिकारीलाई मंगलबार नै उक्त  सपिङ भौचर हस्तान्तरण गरिएकाे छ।

इसेवाका चिफ बिजनेस अफिसर आशिष गौतमले भाग्यशाली विजेता अधिकारीलाई उक्त सपिङ भौचर हस्तान्तरण गरे।अधिकारीले इसेवामा छिमेक लघुवित्तको खाता लिंक गरी कारोबार गर्दा सो उपहार जित्न सफल भएको कम्पनीले जनाएकाे छ।

सपिङ भौचर हस्तान्तरण गर्दै चिफ बिजनेस अफिसर गौतमले आगामी दिनमा पनि इसेवाले यस्तै किसिमका नयाँ अफरहरू सार्वजनिक गर्दै जाने बताए।