बैंकहरुको निक्षेप ६० खर्ब नाघ्यो, ४९ खर्ब ९१ अर्ब रुपैयाँ कर्जा प्रवाह

बैंकिङ्ग समाचार, काठमाडौं ।

बैंकिङ प्रणालीमा ६० खर्ब निक्षेप नाघेको छ। नेपाल राष्ट्र बैंकको तथ्यांकअनुसार बैंक तथा वित्तीय संस्थाहरुको कुल निक्षेप ६० खर्ब ३ अर्ब रुपैयाँ पुगेको छ। अघिल्लो दिन मंसिर २७ गतेसम्म बैंक तथा वित्तीय संस्थाको कुल निक्षेप ५९ खर्ब ९५ अर्ब रुपैयाँ रहेको थियो। यो १ दिनमा बैंकिङ प्रणालीमा ८ अर्ब रुपैयाँ निक्षेप थपिएको छ।

मंसिर २८ गतेसम्म बैंक तथा वित्तीय संस्थाहरुले ४९ खर्ब ९१ अर्ब रुपैयाँ कर्जा प्रवाह गरेका छन्। जुन अघिल्लो दिनको तुलनामा ३ अर्ब रुपैयाँले बढी हो। मंसिर २७ गतेसम्म बैंक तथा वित्तीय संस्थाहरुको कुल कर्जा प्रवाह ४९ खर्ब ८९ अर्ब रुपैयाँ रहेको थियो। बैंकको अन्तरबैंक ब्याजदर भने २।६२ प्रतिशत रहेको छ।