प्रधानमन्त्री शाहलाई बधाई दिँदै मोदीले भने,’तपाईंसँग निकटरूपमा काम गर्न उत्सुक छु’

काठमाडौं – प्रधानमन्त्री बालेन्द्र शाहलाई भारतीय प्रधानमन्त्री नरेन्द्र मोदीले बधाई दिएका हुन्। आज शाहले नेपालको प्रधानमन्त्री पदको शपथ लिएलगत्तै भारतीय प्रधानमन्त्री मोदीले सामाजिक सञ्जालमार्फत प्रधानमन्त्री शाहलाई बधाई दिएका हुन्।

सामाजिक सञ्जालमा भारतीय प्रधानमन्त्री मोदीले लेखेका छन्,‘नेपालका प्रधानमन्त्रीका रूपमा शपथ ग्रहण गरेका बालेन्द्र शाहलाई हार्दिक बधाई दिन चाहन्छु। तपाईंको नियुक्ति नेपाली जनताले तपाईंको नेतृत्वमा राखेको विश्वासको प्रतिविम्ब हो।’

सो बधाई सन्देशमा समकक्षी मोदीले प्रधानमन्त्री शाहसँग मिलेर नेपाल–भारत सम्बन्धलाई अझै उचाइमा पु¥याउने काममा उत्सुक रहेको धारणा राखेका छन्। भारत–नेपालबीचको मित्रता र सहकार्यलाई दुवै देशको पारस्परिक हितका लागि थप उचाइमा पु¥याउन आफू इच्छुक रहेको प्रधानमन्त्री मोदीले बताए।