पाल्पा सिमेन्ट इण्डष्ट्रीजको आईपीओ बाँडफाँट

काठमाडौं – आज फागुन २९ गते पाल्पा सिमेन्ट इण्डष्ट्रीज लिमिटेडको आईपीओ बाँडफाँट भएको छ। कम्पनीको शेयर निष्काशन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेडले आज सो आईपीओ बाँडफाँट भएको हो।

कम्पनीले फागुन १२ गतेदेखि १५ गतेसम्म प्रतिकित्ता १०० रुपैयाँ अंकित मूल्यका ४५ लाख कित्ता शेयर सर्वसाधारण लगानीकर्ताहरुका लागि निष्काशन गरेको थियो। सो निष्काशनमा कुल २४ लाख १३ हजार ५१७ जनाले २ करोड ६३ लाख १० हजार ९७० कित्ताका लागि आवेदन दिएका थिए। जसमध्ये २३ लाख ७६ हजार ७०५ आवेदन स्वीकृत भएका छन् भने बाँकी सबै आवेदनको हात खाली भएको छ।

मागभन्दा बढी आवेदन परेका कारण गोलाप्रथा मार्फत कम्पनीको आईपीओ बाँडफाँट गरिएको छ। जसअनुसार कुल ४ लाख ५० हजार आवेदकले १० कित्ताका दरले कम्पनीको शेयर प्राप्त गरेका छन्।