जनकपुर -प्रिमियम तथा नवीन डिजाइनका टायल उत्पादनमा अग्रणी ब्रान्ड कजारिया ले मधेश प्रदेशमा आफ्नो उपस्थिति विस्तार गर्दै जनकपुरमा नयाँ एक्सक्लुसिभ शोरूम सञ्चालनमा ल्याएको छ। उक्त शोरूम बाबा अटोमाटा ट्रेडिङ प्रा। लि। द्वारा सञ्चालनमा ल्याइएको हो।
जनकपुर तथा आसपासका क्षेत्रमा उच्च गुणस्तरका टायलप्रति बढ्दो मागलाई सम्बोधन गर्ने उद्देश्यले स्थापना गरिएको शोरूमले ग्राहकहरूलाई आधुनिक, व्यवस्थित तथा ग्राहक–मैत्री खरिद अनुभव प्रदान गर्ने विश्वास कम्पनीले व्यक्त गरेको छ।
शोरूमको औपचारिक उद्घाटन शुक्रबार बिहान ११स्०० बजे एक विशेष समारोहबीच सम्पन्न भएको थियो। कार्यक्रममा उद्योग क्षेत्रका प्रतिनिधि, स्थानीय व्यवसायी, इन्जिनियर तथा आर्किटेक्टहरूको उल्लेखनीय उपस्थिति रहेको थियो।
उद्घाटन समारोह हिमांशु अग्रवाल द्वारा रिबन काटेर सम्पन्न गरिएको थियो। कार्यक्रममा उरुषा भण्डारी तथा दीपशिखा नेपाल को उपस्थितिले कार्यक्रमलाई थप आकर्षक बनाएको थियो।
कार्यक्रमलाई सम्बोधन गर्दै निर्देशक अग्रवालले क्षेत्रीय ग्राहक तथा व्यावसायिक साझेदारहरूको विश्वासप्रति आभार व्यक्त गर्दै जनकपुरजस्ता प्रमुख शहरमा विस्तार हुनु नेपालका निर्माण तथा पूर्वाधार क्षेत्रमा देखिएको सकारात्मक गतिशीलताको संकेत भएको बताए। उनका अनुसार यस्ता विस्तारले उपभोक्तालाई गुणस्तरीय उत्पादनमा सहज पहुँच उपलब्ध गराउनुका साथै रोजगारी सिर्जना र क्षेत्रीय आर्थिक वृद्धिमा समेत योगदान पुर्याउनेछ।
जनकपुरको प्रमुख स्थानमा अवस्थित नयाँ शोरूममा कजारियाका प्रिमियम टायल संग्रहहरू आकर्षक ढंगले प्रदर्शन गरिएको छ। आवासीय, व्यावसायिक तथा आर्किटेक्चरल प्रयोगका लागि उपयुक्त विभिन्न डिजाइन तथा शैलीहरू ग्राहकहरूले अवलोकन गर्न सक्नेछन्।
कम्पनीले नेपालमै स्थापना गरेको देशकै ठूलो टायल उत्पादन उद्योगमार्फत ३,००० भन्दा बढी डिजाइन विकल्प उपलब्ध गराउँदै आएको जनाएको छ। अत्याधुनिक प्रविधियुक्त उत्पादन प्रणालीमार्फत अन्तर्राष्ट्रिय गुणस्तर कायम गरिएको कम्पनीको दाबी छ।
हाल कजारियाले नेपालभर १०० भन्दा बढी शोरूम सञ्जाल विस्तार गरिसकेको छ। कम्पनीका उत्पादनहरूमा ग्लेज्ड भिट्रिफाइड टायल, हेभी ड्युटी ग्लेज्ड भिट्रिफाइड टायल तथा सेरामिक वाल टायल समावेश छन्, जुन पानी तथा दाग प्रतिरोधी, बलियो, दीगो र आधुनिक डिजाइनमा उपलब्ध रहेका छन्।
About Us
प्रतिक्रिया