बैंकको मुद्धति निक्षेपमा लगानी गर्दै बीमा प्राधिकरण, बैंकहरुसँग माग्यो प्रस्ताव

काठमाडौं – नेपाल बीमा प्राधिकरणले वाणिज्य बैंक तथा विकास बैंकको मुद्दती निक्षेपमा लगानी गर्ने भएको छ । प्राधिकरणले बैंक मौज्दात लगानी नीतिअनुसार विभिन्न वाणिज्य बैंक तथा विकास बैंकको मुद्दती निक्षेपमा लगानी गर्न लागेको हो ।

इच्छुक बैंकहरुले आफूले दिन सक्ने अधिकतम प्रतिफल उल्लेख गरी हिजो अर्थात् पुस २१ को सात दिनभित्र सिलबन्दी भाउपत्र पेश गर्न आह्वान गरेको हो । पेश हुन आएको सिलवन्दी दरभाउपत्रको मान्य अवधि कम्तीमा १५ दिनको हुनुपर्ने प्राधिकरणले जनाएको छ ।

कोलपत्र पेस गर्दा बैंकहरुले मुद्दती निक्षेपमा उपलब्ध गराउन सक्ने अधिकतम ब्याजदर, अन्तिम पटक प्रकाशित त्रैमासिक वित्तीय विवरण, विगत तीन वर्षको नाफा नोक्सानको अवस्था, बैंकको निष्कृय सम्पत्ति, बैंकको कर्जा निक्षेप अनुपात, बैंक स्थापना भएको वर्ष, पूँजी पर्याप्तता कोष खुल्ने गरी प्रस्ताव पेश गर्न आह्वान गरेको छ ।