नेप्सेमा झिनो अंकको गिरावट आउँदा घट्यो कारोबार रकम

काठमाडौं – आज साताको दोस्रो कारोबारको दिन सोमबार शेयर बजार सामान्य अंकले घटेर बन्द भएको छ । नेपाल स्टक एक्सचेन्ज (नेप्से) आज ३.०२ अकंले घटेर २६ सय ६ दशमलव ६७ को बिन्दुमा कायम भएको छ  आज ३३१ कम्पनीको १ करोड १ लाख ४६ हजार कित्ता शेयर किनबेच हुँदा ४ अर्ब ६६ करोड ९५ लाख रुपैयाँको शेयर कारोबार भएको हो ।

आज ९९ कम्पनीको शेयर मूल्य बढेको छ भने १४७ कम्पनीको घटेसँगै १२ कम्पनीको शेयर मूल्य स्थिर देखिएको छ । आज सबैभन्दा धेरै ङादी ग्रप पावरको शेयर कारोबार भएको छ । आज यस कम्पनीको ५५ करोड ८६ लाख ६७ हजार रुपैयाँको शेयर कारोबार भएको छ ।

यससँगै आज सबैभन्दा बढी अप्पर स्याङ्‍गे हाइड्रोपावरका लगानीकर्ताले कमाएका छन् । यस कम्पनीका लगानीकर्ताले आज १० प्रतिशतका दरले कमाएका हुन् । त्यस्तै, स्वस्तिक लघुवित्त, झापा इनर्जी र श्रीनगर एग्रीटेक इन्डष्ट्रिजका लगानीकर्ताले ९.९९ प्रतिशतका दरले कमाएका छन् । 

त्यस्तै, आज सबैभन्दा बढी सपोर्ट माइक्रो फाइनान्सका लगानीकर्ताले गुमाएका छन् । यस कम्पनीका लगानीकर्ताले आज ५.१६ प्रतिशतका दरले गुमाएका हुन् ।