दुई दिनमा ६ हजार १ सय रुपैयाँले बढ्यो सुनको मूल्य, तोलाको कति ?

काठमाडौं – नेपाली बजारमा आज सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ९ सय रुपैयाँले बढेको हो। 

आज सुन तोलामा २ लाख ४८ हजार ८ सय रुपैयाँ कायम भएको छ। हिजो सुनको मूल्य तोलामा २ लाख ४७ हजार ९ सय रुपैयाँमा कारोबार भएको थियो। हिजो ५ हजार २ सय रुपैयाँले बढेको सुनको मूल्य आज ९ सयले बढेसँगै २ दिनमा सुनको मूल्यमा ६ हजार १ सय रुपैयाँको वृद्धि देखिएको छ।

त्यस्तै, आज चाँदीको मूल्य पनि बढेको छ। आज चाँदी तोलामा २० रुपैयाँले बढेको हो। आज चाँदी तोलामा ३२ सय २० रुपैयाँ कायम भएको छ।