राष्ट्र बैंकद्वारा समयमा नवीकरण नगर्ने दुई मनिचेञ्जरको लाइसेन्स खारेज

काठमाडौं – नेपाल राष्ट्र बैंकले दुइर्वटा मनिचेञ्जरको लाइसेन्स खारेज गरेको छ । राष्ट्र बैंकको विदेशी विनिमय व्यवस्थापन विभागले एक सूचना जारी गर्दै दुई कम्पनीको लाइसेन्स खारेज गरेको जनाएको हो ।

राष्ट्र बैंकले लर्ड बुद्ध मनि एक्सचेञ्ज र स्तुपा मनीचेञ्जर प्रालिको लाइसेन्स खारेज गरेको हो । केन्द्रीय बैंकले नेपाल राष्ट्र बैंक, मनिचेञ्जर इजाजतपत्र तथा निरीक्षण विनियमावली, २०७७ (चौथो संशोधनसहित) को विनियम १९ को उप(विनियम ३ मा उल्लिखित व्यवस्थाबमोजिम तोकिएको समयमा (म्याद समाप्त भएको मितिले तीन महिनाभित्र) नवीकरण नगरेका कारण इजाजतपत्र रद्द गरेको हो ।